ކޯވިޑް ވެކްސިންގެ 2 ޑޯޒް ޖެހުމަށްފަހު 2 ހަފްތާ ވެފައިވާ ފަރާތްތަކަށް ރަށްރަށަށް ޒިޔާރަތްކުރުމަށް ހުރަހެއް ނޯންނާނެކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.
ރައީސުލްޖުމްހޫރިއްޔާ ކުރެއްވި ޓްވީޓެއްގައި ވިދާޅުވީ ކޯވިޑާއި ގުޅިގެން މީގެ އަހަރެއްހާ ދުވަސްކުރިން ރާއްޖެ ފުރަބަންދަކަށް ދިޔައިރު، މިއަދު އެންމެންގެ އުއްމީދަކީވެސް އާއްމު ހާލަތަށް ކަންކަން ވީހާވެސް އަވަހަށް ރުޖޫޢަވުންކަމަށެވެ. އެހެންކަމުން ކޯވިޑް ވެކްސިންގެ 2 ޑޯޒް ފުރިހަމަކުރާތާ 2 ހަފްތާ ފަހުން ރަށްރަށަށް ދަތުރުކުރުމަށް އެއްވެސް ހުރަހެއް ނޯންނާނެކަމަށް ރައީސުލްޖުމްހޫރިއްޔާ ވިދާޅުވިއެވެ.
A year ago today, Malé city went into lockdown following its first positive Covid19 case.
— Ibrahim Mohamed Solih (@ibusolih) April 15, 2021
As we wait for life to return to normal, I’m happy to announce that those who’ve had 2 weeks pass since their 2nd vaccine dose can soon travel freely to the atolls.
?@LiquefyMaldives pic.twitter.com/NADQxga27U
ވެކްސިންގެ 2 ޑޯޒް ފުރިހަމަކުރާ ފަރާތްތަކަށް ރަށްރަށަށް ދިއުމަށް ލުއިތަކެއް ދޭން ނިންމާފައިވާއިރު، މިހާރު އޮންނަ ގޮތުން ރަށްރަށަށް ދަތުރުކުރާ ފަރާތްތަކުން ކޯވިޑްއަށް ނެގެޓިވް ޕީސީއާރު ޓެސްޓެއްގެ އިތުރުން، 10 ދުވަހަށް ކަަރަންޓީންވާންޖެހެއެވެ.
ރާއްޖޭގައި ކޯވިޑްގެ ވެކްސިން 2 ޑޯޒްވެސް ދެމުންއަންނައިރު، މިހާތަނަށް ގާތްގަނޑަކަށް 29 ހާސް މީހުން ވަނީ ކޯވިޑް ވެކްސިންގެ 2 ޑޯޒް ފުރިހަމަކޮށްފައެވެ. އަދި ފުރަތަމަ ޑޯޒު ވަނީ ދެ ލައްކަ ހަތްދިހަ ހާހަށްވުރެ ގިނަ މީހުން ފުރިހަމަކޮށްފައެވެ.