ދުނިޔޭގެ އެންމެ ރީތި ބީޗު ހޮވަން ބޭއްވި މުބާރާތް ރާއްޖޭގެ ވެލިގަނޑު އައިލެންޑް ރިސޯޓުން ކާމިޔާބުކޮށްފިއެވެ.
އެމެރިކާގެ އޮންލައިން ޓްރެވަލް އެޖެންސީއެއް ކަމަށްވާ ކިވީއިން ކުރިއަށް ގެންދިޔަ "ވޯލްޑް ޗެމްޕިއަންޝިޕް އޮފް ބެސްޓް ބީޗް" މުބާރާތް ކުރިއަށްގެންގޮސްފައި ވަނީ އިންސްޓަރގްރާމްގައެވެ.
އާއްމުން ވޯޓުލާގޮތަށް ހުޅުވާލައިގެން ކުރިއަށް ގެންދިޔަ މި މުބާރާތުގެ ފައިނަލުގައި، ވެލިގަނޑު އައިލެންޑް ރިސޯޓާ ވާދަކުރީ ސީޝެލްސްގެ ރިސޯޓެއް ކަމަށްވާ އަންސް ކޮކޯއެވެ.
ފައިނަލާއި ހަމައަށް ވެލިގަނޑު އައިލެންޑް ރިސޯޓު ދަތުރުކޮށްފައިވަނީ ގިނަ ޤައުމުތަކަކާއި ވާދަކުރުމަށްފަހުގައެވެ.
އެ އެޤައުމުތަކާއި ވާދަކޮށް ވެލިގަނޑު އައިލެންޑް ރިސޯޓު މޮޅުވެފައިވަނީ ތަފާތު ބޮޑު ނަތީޖާއަކުންކަން ފާހަގަކޮށްލެވެއެވެ. އަދި ފައިނަލްގައި ސީޝެލްސް އެންސް ކޮކޯ އާއި ވާދަކޮށް، ވެލިގަނޑު އައިލެންޑް ރިސޯޓު މުބާރަތް ކާމިޔާބުކުރީ 51 އިންސައްތަ ވޯޓާއި އެކުއެވެ.
މާލެ އަތޮޅުގައި ތަރައްޤީކޮށްފައިވާ ވެލިގަނޑު އައިލެންޑް ރިސޯޓަކީ ކުރައުން އެންޑް ޗަމްޕާ ރިސޯޓްގެ ރިސޯޓެކެވެ. މިއީ ރިސޯޓަކީ 91 ކޮޓަރީގެ ރިސޯޓެކެވެ.