އޮކްޓޯބަރުމަހު އެމެެރިކާގެ ވަޒީފާގެ ބާޒާރަށް ކުރިއެރުން ލިބި އެޤައުމުގައި ވަޒީފާ ނެތް މީހުންގެ ނިސްބަތް 4.5 އިންސައްތައަށް ތިރިވެއްޖެއެވެ.
އޮބްޓޯބަރުމަހު ކުންފުނިތަކުން ވަނީ 531000 ވަޒީފާއަކަށް މީހުން ހޮވާފައިިވެއެވެ.
އެމެރިކާގެ ބިއުރޯ ފޮރ ލޭބަރ ސްޓެޓިސްޓިކްސްއިން އާއްމު ކޮށްފައިވާ މައުލޫމާތުތަކުގައިވާ ގޮތުން އޮކްޓޯބަރުމަހު ވަޒީފާތައް އިތުރުވެފައިވަނީ ކޯވިޑުގެ ޑެލްޓާ ވޭރިއަންޓް ފެތުރުން މަޑުޖެހިފައިވުމާއެކު، ވިޔަފާރި ހަރަކާތްތައް އިތުރުވުމުންނެވެ. އަދި ކުއްލިއަކަށް ގިނަ ވަޒީފާތަކެއްގެ ފުރުސަތު ހުޅުވާލުމުން ކުންފުނިތަކަށް މިހާރު ވަނީ މުވައްޒަފުން ހޯދުމުގައި ދަތިތަކާއި ކުރިމަތިލާން ޖެހިފައެވެ. މިއާއެކު ވަޒީފާގެ ބާޒާރުގައި ވާދަވެރިކަން ބޮޑުވެ، ކުންފުނިތަކުން ހުށަހަޅާ މުސާރަވެސް ވަނީ ބޮޑުކޮށްފައެެވެ.
ކުންފުނިތަކުން ވަނީ ގަޑިއިރުގެ މުސާރަ 30 ޑޮލަރު 96 ސެންޓަށް ބޮޑުކޮށްފައެވެ. މިއީ ކުރިން ގަޑިއިރަކަށް ދެމުން އައި މުސާރައަށްވުރެ 11 ސެންޓު ބޮޑު އަދަދެކެެވެ.
އޮކްޓޯބަރުމަހު ވަޒީފާތައް އިތުރުވެފައިވަނީ ހޮސްޕިޓަލިޓީ ދާއިރާއިންނާއި، ޙިދުމަތްދިނުމުގެ ވިޔަފާރިތަކުންނާއި، ތަކެތި އުފެއްދުމުގެ ދާއިރާގެ އިތުރުން ދަތުރުފަތުރުކުރުމުގެ ދާއިރާއިންނެވެ. އެގޮތުން އޮކްޓޫބަރުމަހު ހޮސްޕިޓަލިޓީ ދާއިރާއިން 164000 ވަޒީފާވަނީ އުފައްދާފައެވެ. ޙިދުމަތް ދިނުމުގެ ވިޔަފާރިތަކުން 100000 ވަޒީފާ އަދި ވަތެކތި އުފެއްދުމުގެ ދާއިރާއިން 60000 ވަޒީފާ އޮކްޓޯބަރުމަހު އުފައްދާފައެވެ.