ޑްރައިވަރަކާއި ނުލާ ދުއްވާ ބަހެއް ނޯވޭގެ ޕަބްލިކް ޓްރާންސްޕޯޓުގައި ބޭނުންކުރަން ފަށަން ތައްޔާރުވެއްޖެއެވެ.
50 މީހުންގެ ޖާގައިގެ މި ބަސް އަންނަ އޭޕްރީލްމަހުން ފެށިގެން ޙިދުމަތަށް ނެރޭނެ ކަމަށް ނޯވޭ ސަރުކާރުން ހާމަކުރެއެވެ. މި ބަސް ފުރަތަމަ ބޭނުންކުރާނީ 2 އަހަރު ދުވަހަށް ދެމިގެންދާ ޓެސްޓިންގ މަރުހަލާއެއްގައެވެ.
ތުރުކީގެ ކުންފުންޏަކުން އުފައްދާފައިވާ މި އިލެކްޓްރިކް ބަހުގެ ދިގުމިނުގައި އަށް މީޓަރު ހުރެއެވެ. 21 ސީޓާއި ޕަސިންޖަރުން ކޮޅަށް ތިބޭނެ ޖާގަވެސް ހުރެއެވެ. ޑްރައިވަރަކާއި ނުލާ ދުއްވާ ބަސްތަަކަކީ ޙަރަދުކުޑަ ތިމާވެއްޓާއިވެސް ރައްޓެހި ބަސްތަކަކަށްވުމުން މިއީ ޕަބްލިކް ޓްރާންސްޕޯޓުގެ ޙިދުމަތްދޭ ފަރާތްތަކުގެ މެދުގައި މަޤްބޫލްކަން ހޯދަމުން އަންނަ ބަސްތަކެކެވެ.
ނޯވޭގައި ޑްރައިވަރަކާއި ނުލާ ދުއްވާ ބަސްތައް ޕަބްލިކް ޓްރާންސްޕޯޓުގައި ބޭނުންކުރުމަށް މިކަމާއި ގުޅޭ މަސައްކަތްތަށް ކުރެވެމުންދާތާ ގިނަ ދުވަސްތަކެއް ވަނީ ވެފައެވެ. އެގޮތުން އެކި ފަރާތްތަކާއި ގުޅިގެން އަޖުމަ ބެލުމުގެ ޕްރޮޖެކްޓުތައްވެސް ވަނީ ބާއްވާފައެވެ.