ކަސްޓަމްސްއިން އަތުލައިގަތް 582 ކިލޯއަށްވުރެ ގިނަ މިޔަރާއި މަޑިމަސްތަކެއް ނައްތާލައިފި

ކަސްޓަމްސްއިން ހިފަހައްޓާފައިވާ 580 ކިލޯއަށް ވުރެ ގިނަ މިޔަރާއި މަޑިމަސްތަކެއް ނައްތާލައިފިއެވެ.

ކަސްޓަމްސްއިން ނައްތާލާފައިވާ މިތަކެއްޗަކީ ރާއްޖެއިން ބޭރުކުރާ ތަކެތި ބަލާ ފާސްކުރުމުގެ ތެރޭގައި ހޯދާފައިވާ ތަކެތިކަމަށް އެ މުއައްސަސާއިން ވިދާޅުވެއެވެ. އެގޮތުން މިތަކެތި އަތުލައިގަތީ މިދިޔަމަހު ލޮނުމަހުގެ ގޮތުގައި ރާއްޖެއިން ބޭރުކުރަން މަސައްކަތް ކުރަނިކޮށްކަމަށް ކަސްޓަމްސްއިން ވިދާޅުވެއެވެ.

މިގޮތުން ބަލާ ފާސްކުރެވުނު ކޮންޓެއިނަރ ތެރެއިން ޖުމްލަ 582 ކިލޯގެ މަޑިމަހާއި މިޔަރު ވަނީ ހިފަހައްޓަފާއެވެ. މި ތަކެތި ނައްތާލާފައިވަނީ މިމަހުގެ 22 ވަނަ ދުވަހު ތިލަފުށީގައި ހުންނަ ކުނި ނައްތާލާ ސަރަޙައްދުގައިކަމަށް ކަސްޓަމްސްއިން ވިދާޅުވެއެވެ.

ކަސްޓަމްސްއިން ގިނަ އަދަދެއްގެ މިޔަރުމަހާއި މަޑިމަސްތަކެއް ހިފަހައްޓާފައިވާއިރު، މިތަކެއްޗަކީ ދިވެހިރާއްޖޭގެ މަސްވެރިކަމުގެ ޢާންމު ޤަވާޢިދު ދަށުން ހިފާ، ބޭނުން ކުރުން އަދި ބޭރުން ކުރުން މަނާ ބާވަތްތަކެވެ.