ޚަބަރު
ހެންވޭރު ގެސްޓްހައުސްއެއްގެ ތެރެގައި މަރުވެފައި އޮތް ދިވެއްސަކު ފެނިއްޖެ
-
މަރުވެފައި އޮއްވާ ފެނިފައިވަނީ 59 އަހަރުގެ މީހެއް
-
މައްސަލަ ފުލުހުންނަށް ރިޕޯޓްކުރީ މިއަދު 14:04 ހާއިރު
ފުލުހުންގެ މައި މަރުކަޒު
ހެންވޭރު ގެސްޓްހައުސްއެއްގެ ތެރޭގައި މަރުވެފައި އޮތް ދިވެއްސަކު ފެނިއްޖެއެވެ.
ފުލުހުންގެ ޚިދުމަތުން ވިދާޅުވީ ހެންވޭރުގައި ހިންގާ ގެސްޓްހައުސްއެއްގެ ފާޚާނާގައި މީހަކު ވެއްޓިފައި އޮތް ކަމުގެ ރިޕޯޓް މިއަދު 14:04 ހާއިރު ލިބިގެން އެމީހާ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ހޮސްޕިޓަލުން މައުލޫމާތު ދީފައިވާކަމަށް ފުލުހުން ވިދާޅުވިއެވެ.
މަރުވެފައި އޮއްވާ ފެނުނީ ސ. ހުޅުދޫ، ބޮކަރުމާގެ، އުމުރުން 59 އަހަރުގެ އަބްދުﷲ ޒަކީ ކަމަށް ފުލުހުން ވިދާޅުވިއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންންވެ.