އޮޑިޓަރ ޖެނެރަލް އޮފީހުގެ އައު އިމާރާތުގެ 5 ފަންގިފިލާގައި ޝީޓް އަޅާ ނިމިއްޖެ

އޮޑިޓަރ ޖެނެރަލް އޮފީހުގެ 6 ބުރީގެ ޢިމާރާތުގެ މަސައްކަތް އަވަހަށް ނިންމުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީން ދަނީ މަސައްކަތް ކުރަމުންނެވެ.
އޮޑިޓަރ ޖެނެރަލް އޮފީހުގެ އައު ޢިމާރާތުގެ މަސައްކަތް އެމްޓީސީސީއާ ހަވާލުކުރީ 2022 ވަނަ އަހަރުގެ އޮގަސްޓްމަހުގެ ތެރޭގައެވެ.

އެމްޓީސީސީން ވިދާޅުވީ އޮޑިޓަރ ޖެނެރަލް އޮފީހުގެ 6 ބުރީގެ ޢިމާރާތުގެ 5 ވަނަ ފަންގިފިލާއާ ހަމައަށް ޝީޓް އަޅާ ނިމިފައިވާކަމަށެވެ. އަދި މިހާރު ކުރިއަށް ދަނީ 4 ވަނަ ފަންގިފިލާގެ ޑީއީ ޝަޓަރިންގ މަސައްކަތްތަކާއި 5 ވަނަ ފަންގިފިލާގެ ކޮލަމް ރިއިންފޯސްމަންޓްގެ މަސައްކަތް ކަމަށް ވިދާޅުވިއެވެ. މިއިމާރާތުގެ މަސައްކަތުގެ 35 އިންސައްތަ މިހާރުވަނީ ނިމިފައެވެ.

Project Update: Design and Construction of 6 Storey Office Building for Auditor General’s Office

Slab concreting works up to the 5th floor have been completed. DE shuttering works for the 4th floor and column reinforcement works for the 5th floor are currently ongoing.

Follow… pic.twitter.com/AF0u6v0x7I

— MTCC Plc (@MTCCPlc) July 20, 2025

އެމްޓީސީސީން ވިދާޅުވީ އޮޑިޓަރ ޖެނެރަލް އޮފީހުގެ މި ޢިމާރާތަކީ، 17426.40 އަކަފޫޓުގެ ސަރަހައްދެއްގައި ޖުމުލަ 77718.10 އަކަފޫޓުގެ ޖާގަ ލިބޭ ގޮތަށް ތަރައްގީ ކުރާ އިމާރާތެއް ކަމަށެވެ. 6 ފަންގިފިލާގެ މި އިމާރާތުގެ އުސްމިނުގައި 23.1 މީޓަރު ހުންނާނެ ކަމަށް އެމްޓީސީސީން ވިދާޅުވެއެވެ.

730 ދުވަހުގެ ތެރޭގައި ނިންމުމަށް އެއްބަސްވެފައިވާ މިމަޝްރޫޢަކީ 138.67 މިލިއަން ރުފިޔާގެ މަޝްރޫއެކެވެ.

އެމްޓީސީސީން ވަނީ ވޭތުވެދިޔަ 3 އަހަރުތެރޭ ރާއްޖޭގެ އެކި ކަންކޮޅުތަކުގައި ގިނަ މަޝްރޫޢުތަކެއް
މަސައްކަތް ނިންމާފައެވެ.