ފަރަށް އެރި "ކޯމަސް" ދޯނި/ ފޮޓޯ:އެމްއެންޑީއެފް
ފަރު މަސް ވެރިކަމަށް ނުކުމެ އުޅުނު ދޯންޏެއް ފަރަށް އަރައިފިއެވެ.
އެމްއެންޑީއެފްއިން ވިދާޅުވީ، "ކޯމަސް" ނަމަކަށް ކިޔާ މި ދޯނި ފަރަށް އަރާފައި ވަނީ ސ. ހިތަދޫ ނެރު ކަންމައްޗަށް ކަމަށާއި އެވަގުތު އޭގައި ތިބީ ހަތަރު މީހުން ކަމަށެވެ. އެއީ ތިން ދިވެހިންނާއި ފަތރުވެރިއެއް ކަމަށް އެމްއެންޑީއެފްއިން ވިދާޅުވިއެވެ. އަދި މި ހާދިސާގައި އެއްވެސް މީހަކަށް އަނިޔާވެފައެއް ނުވެއެވެ.
އެމްއެންޑީއެފްއިން ވިދާޅުވީ، މިހާދިސާ ހިނގާފައިވާ ކަމުގެ މައުލޫމާތު ލިބިފައިވަނީ ހެނދުނު 9:53 އެހާކަންހާއިރު ކަމަށެވެ.
މި ދޯނި ފުންކޮށް ދިނުމަށް އެމްއެންޑީއެފް ސަދަން އޭރިއާގެ ކޯސްޓް ގާޑުގެ ޑައިވަރުން މިވަގުތު އަންނަނީ ހަރަކާތްތެރިވަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ